Բուժում
Ատամի իմպլանտ Երևանում
Իմպլանտը փոխարինում է կորցրած ատամի արմատը, իսկ ներաճելուց հետո դրա վրա ամրացվում է պսակ։ Prime Clinic-ում իմպլանտացիան 135 000 ֏-ից է (իմպլանտի արժեքը), իսկ բուժման ամբողջական արժեքը ստանում եք գրավոր՝ սկսելուց առաջ։
Ում է հարմար
- Բացակայում է մեկ կամ մի քանի ատամ, կամ ատամը հնարավոր չէ պահպանել։
- Ցանկանում եք անշարժ փոխարինում՝ շարժական պրոթեզի փոխարեն։
- Կամրջակի համար պետք կլիներ խառատել հարևան առողջ ատամները։
Ինչպես է ընթանում բուժումը
- Խորհրդատվություն և ռենտգեն/ԿՏ՝ գնահատում ենք ոսկրը և պլանավորում իմպլանտի դիրքը։
- Գրավոր պլան՝ իմպլանտի համակարգ, աբատմենտ, պսակ և անհրաժեշտության դեպքում ոսկրապլաստիկա կամ սինուս-լիֆտինգ՝ ընդհանուր գնով։
- Իմպլանտի տեղադրում տեղային անզգայացմամբ։
- Ներաճման շրջան, երբ իմպլանտը միաձուլվում է ոսկրին։
- Աբատմենտ և պսակ՝ մշտական ատամի պատրաստում և ամրացում։
Գներ
Ստորև նշված են իմպլանտի գները։ Վերջնական պլանում ավելանում են աբատմենտը, պսակը և անհրաժեշտության դեպքում ոսկրապլաստիկան կամ սինուս-լիֆտինգը․ ամբողջ գումարը ստանում եք գրավոր՝ բուժումից առաջ։
| Բաց սինուս-լիֆտինգ (օստեոպլաստիկ կենսանյութ) | 300 000 ֏ |
|---|---|
| Փակ սինուս-լիֆտինգ | 50 000 ֏ – 150 000 ֏ |
| Paltop իմպլանտ (Իսրաել-Ամերիկյան) | 200 000 ֏ |
| Nobel իմպլանտ (Շվեյցարիա) | 300 000 ֏ |
| Thommen Medical իմպլանտ (Շվեյցարիա) | 350 000 ֏ |
| Osstem իմպլանտ (Հարավային Կորեա) | 135 000 ֏ |
| Alfa Gate իմպլանտ (Իսրայել – Գերմանիա, BioActive) | 170 000 ֏ |
| MiDent իմպլանտ (Գերմանիա) | 150 000 ֏ |
Գները ֏-ով։ Ձեր դեպքի ճշգրիտ գումարը ներառվում է գրավոր պլանում՝ բուժումից առաջ։ Լրիվ գնացուցակ
Պացիենտների կարծիքները
We definitely recommend Prime clinic, Dr. Ashken and Dr. David. Dr. Ashken treated caries, filled teeth, did bleaching — quickly, efficiently and painlessly. Dr. David arranged delivery of missing items and completed the implantation process when another clinic had let us down.
Հարցեր և պատասխաններ
Որքա՞ն արժե ատամի իմպլանտը Երևանում։
Prime Clinic-ում իմպլանտն արժե 135 000 ֏-ից (Osstem) մինչև 350 000 ֏ (Thommen Medical)։ Աբատմենտն ու պսակը վճարվում են առանձին․ խորհրդատվությունից հետո ամբողջ գումարը ստանում եք գրավոր։
Ո՞ր իմպլանտի համակարգն ընտրել։
Դա կախված է ոսկրից, ատամի դիրքից և բյուջեից։ Խորհրդատվության ժամանակ բացատրում ենք համակարգերի տարբերությունը և տարբերակները ներառում ձեր պլանում։
Ցավո՞տ է իմպլանտի տեղադրումը։
Տեղադրումն իրականացվում է տեղային անզգայացմամբ։ Հաջորդ օրերին թեթև անհարմարությունն ու այտուցը նորմալ են և սովորաբար հաղթահարվում են սովորական ցավազրկողներով։
Ի՞նչ անել, եթե ոսկրը բավարար չէ։
Ոսկրապլաստիկան կամ սինուս-լիֆտինգը թույլ են տալիս ստեղծել բավարար ոսկրային ծավալ։ Անհրաժեշտությունը որոշվում է ռենտգենից/ԿՏ-ից հետո, իսկ արժեքը ներառվում է գրավոր պլանում։
Հնարավո՞ր է ժամանակավոր ատամ ներաճման ընթացքում։
Շատ դեպքերում՝ այո։ Ժամանակավոր լուծումը քննարկում ենք պլանավորման փուլում, հատկապես առջևի ատամների համար։
Գրանցվել խորհրդատվության
Կզննենք, կբացատրենք տարբերակները և կտանք պլանը՝ գներով, գրավոր։